Onnur av teimum størru bygdunum í Vágum er Sørvágur. Eins og flestu bygdirnar í Vágum er Sørvágur fyrndargomul bygd.

Lívlig vinna er í Sørvági. Her er landingarmiðstøð við tilhoyrandi atvinnu so sum smiðju og flutningi. Her eru handlar, handverarafyritøkur og tænastuvinna av ymsum sløgum, eins og ein rættiliga fittur skipafloti  hoyrir til bygdina. Góðu havnarviðurskiftini geva eisini møguleika fyri munagóðum útróðri. Størstu arbeiðsplássini eru flogvøllurin og laksakryvjivirkið á havnarlagnum.

Ferðavinna er eisini í Sørvági. Hotel er í bygdini, eins og møguleikar eru hjá ferðafólki fyri aðrari gisting.

Mentanartiltøk eru mong í Sørvági, og serliga tónleikalívið er fjølbroytt. Bygdarsavn er í Sørvági.

Áhugaverd støð:

Sørvágs kirkja frá 1886

Gamla bygdin við bygningum í ymsum byggisniðum

Sørvágs Bygdarsavn

Sørvágur er størsta bygdin í Sørvágs kommunu